Chhagan Bhujbal Latest News : छगन भुजबळ यांनी आज मंत्रिमंडळाची शपथ घेतली. त्यानंतर झालेल्या मंत्रिमंडळाच्या बैठकीत छगन भुजबळ यांनी काही महत्त्वाचे प्रश्न उपस्थित केले. अनधिकृत घरे बांधली जात आहेत, तसेच SRA मध्ये जी घरे बांधली जात आहेत, त्यावर भुजबळांनी प्रश्न उपस्थित केला.

मंत्रि‍पदाची शपथ घेतल्यानंतर पहिल्याच कॅबिनेटमध्ये भुजबळ यांनी काही प्रश्न उपस्थित केले. नाशिक येथे पडलेल्या पावसामुळे शेतकऱ्यांचे नुकसान झाले, याबाबत भुजबळ यांनी नुकसान भरपाई निमित्ताने प्रश्न उपस्थित केला. घरांच्या बाबतीत अनधिकृत घरे बांधली जात आहेत, तसेच SRA मध्ये जी घरे बांधली जात आहेत, त्यावर प्रश्न उपस्थित केला. तसेच पंतप्रधान आवास योजनेप्रमाणे योजना असताना इतकी निकृष्ट घरे का बांधली जात आहे? असाही प्रश्न उपस्थित केला.

देवेंद्र फडणवीस काय म्हणाले ?

देवेंद्र फडणवीस यांनी 'माझे धोरण माझे घर' हे गृहनिर्माण धोरण जाहीर केले. यात सर्वसमावेशक गृहनिर्माण, लोकसंख्या, कामगारांचा विचार, महा आवास पोर्टल, शासकीय मॅपिंगद्वारे किंमती कमी करणे, नवे तंत्रज्ञान, शाश्वतता, SRA व रिहाब इमारतींची सुधारणा, पाणी व अग्निशमन यंत्रणा उभारण्यावर भर देण्यात आला आहे.