बारामती पोटनिवडणुकीत मोठा विजय मिळवल्यानंतर उपमुख्यमंत्री सुनेत्रा पवार यांनी खासदारकीचा राजीनामा दिला आहे. दिल्लीत उपराष्ट्रपतींची भेट घेत त्यांनी आपला राजीनामा सुपुर्द केला असून, आता रिक्त झालेल्या जागेसाठी छगन भुजबळ यांच्या नावाची जोरदार चर्चा सुरू झाली आहे.

दरम्यान, आमदार झाल्यानंतर त्यांना खासदार पदाचा राजीनामा देणं आवश्यक असल्याने त्या दिल्लीत दाखल झाल्या. आज त्यांनी उपराष्ट्रपती सी. पी. राधाकृष्णन यांची भेट घेत अधिकृतपणे राजीनामा सुपुर्द केला.

या घडामोडीनंतर आता रिक्त झालेल्या खासदारकीच्या जागेवर कोणाची वर्णी लागणार, याकडे सर्वांचे लक्ष लागले आहे. सूत्रांच्या माहितीनुसार, छगन भुजबळ यांचे नाव आघाडीवर असल्याची चर्चा राजकीय वर्तुळात रंगू लागली आहे. यापूर्वीही भुजबळ यांनी राज्यसभेसाठी इच्छा व्यक्त केली होती.