नाशिकच्या मालेगावमध्ये तुफान राडा झाल्याची घटना घडली. मालेगावच्या किदवाई रोडवर काही तरुण आणि महिलांनी हातात काठ्या घेऊन घड्याळाच्या एका दुकानावर हल्ला करून तोडफोड केली. हातामध्ये काठ्या आणि रॉड घेऊन दुकानातील सर्व घडाळं फोडण्यात आली. या घटनेच घड्याळाच्या दुकानाचे मोठे नुकसान झाले. अचानक घडलेल्या या घटनेमुळे बाजारपेठेत भीती पसरली होती. ही घटना पाहण्यासाठी नागरिकांनी मोठी गर्दी केली होती. या राड्याचा व्हिडीओ समोर आला असून तो व्हिडीओ सोशल मीडियावर व्हायरल झाला आहे. मालेगाव पोलिसांनी याप्रकरणी अज्ञात व्यक्तींविरोधात गुन्हा दाखल केला. या तरुण आणि महिलांनी दुकानाची तोडफोड का केली याचा तपास पोलिसांकडून सुरु आहे.