चंद्रपूर : जिल्ह्यातील घुग्गुस गावात मतदार यादीत मोठा घोटाळा झाल्याचा काँग्रेसने गंभीर आरोप केला आहे. गावातील सचिन बांदुरकर यांचे 350 क्रमांकाचे घर प्रत्यक्षात लहान असून, येथे केवळ दोनच मतदार राहतात. मात्र, निवडणूक आयोगाच्या मतदार यादीत या घराच्या पत्त्यावर तब्बल 119 मतदारांची नोंद असल्याचे काँग्रेसने सांगितले.

काँग्रेसच्या स्थानिक पदाधिकाऱ्यांनी आयोगाच्या यादीनुसार पडताळणी केली असता हा प्रकार उघड झाला. एका लहान घरात एवढ्या मोठ्या संख्येने मतदारांची नोंदणी कशी झाली, असा सवाल काँग्रेसने उपस्थित केला आहे. या घोटाळ्यामुळे गावात आणि राजकीय वर्तुळात खळबळ उडाली आहे.