हवामान खात्याच्या अंदाजानुसार गुरुवारी रात्रीपासून मुंबईमध्ये पावसाने थैमान घातले आहे. त्यानंतर शुक्रवारी पहाटे पावसाचा जोर वाढला, त्यामुळे मुंबईची जीवनवाहिनी म्हणजेच लोकल रेल्वेवर आणि रस्ते वाहतुकीवर झाला. मध्यरेल्वे आणि हार्बर मार्गावरील गाड्या 15 ते 20 मिनिटे उशिराने धावत आहेत. तसेच हवामान विभागाने पुढील 24 तासात मुंबई आणि उपनगरांमध्ये अतिमुसळधार पावसाचा इशारा दिला असून आवश्यकता असेल तरच घराच्या बाहेर पडा असे आवाहन केले आहे. कुर्ला रेल्वे रुळावर देखील मोठ्या प्रमाणात पाणी साचल्याने मध्य रेल्वेची वाहतूक 10 ते 15 मिनिटे उशिराने सुरू आहे.