पुणे-सातारा महामार्गावर बर्निंग कारचा थरार पहायला मिळाला. महामार्गावर एका कारला अचानक आग लागली. काही मिनिटांतच आगीने रौद्ररूप धारण करत संपूर्ण कार जळून खाक झाली. यावेळी चालक आणि प्रवासी वेळीच कारमधून बाहेर पडल्याने मोठा अनर्थ टळला. तर शर्थीच्या प्रयत्नानंतर या आगीवर नियंत्रण मिळवण्यात यश आलं. कारला आग कशी लागली या आगीचं कारण अद्याप अस्पष्ट आहे.

दरम्यान, पुणे- सातारा महामार्गावर पुन्हा वाहतूक कोंडी झाली. वाहनांच्या लांबच लांब रांगा लागल्या आहेत. पुणे -सातारा महामार्गावर कापूरहोळ येथे मागील एक तासापासून वाहतूक ठप्प झाली आहे. वाहनांच्या लांबच लांब रांगा लागल्या असून वाहतूक सुरळीत करण्यासाठी पोलिस आणि प्रशासनाकडून अथक प्रयत्न सुरू आहेत. प्रवाशांनी पर्यायी मार्गांचा वापर करावा असे आवाहन प्रशासनाकडून करण्यात आले आहे.