कॅनरा बँकेत दरोडा पडलाय. बँकेतील तब्बल 59 किलो सोनं आणि रोकड लुटून दरोडेखोर फरार झाले आहेत. देशातील ही सर्वात मोठी सोन्याची चोरी आहे. मे महिन्याच्या शेवटच्या आठवड्यात चोरांनी कॅनरा बँकेच्या शाखेतून हे सोने चोरी केलं आहे.

बँकेतील सीसीटीव्ही बंद करून हा दरोडा टाकलाय. चोरीनंतर दरोडेखोरांनी काळी जादू केलीय. या प्रकरणी पोलिसांनी अद्याप कोणालाही अटक केलेली नाही. कर्नाटकातील विजयपुरा जिल्ह्यातील मंगोली इथे ही घटना घडलीय. चोरांनी सोने कसे पळवले हे पोलिसांना अद्याप समजलेलं नाही. या दरोड्यात 6 ते 8 लोकांचा सहभाग होता, असा संशय आहे. पूर्वनियोजित दरोडा असल्याची माहिती समोर आली आहे. त्यामुळे यात बँकेतील कुणी सहभागी आहे का? याचाही तपास सुरू आहे.