विकास मिरगणे, नवी मुंबई | साम टीव्ही

burning car incident in vashi navi mumbai : नवी मुंबईतील वाशी येथे भररस्त्यात कारला आग लागली. या आगीत कार जळून खाक झाली आहे. या घटनेमुळं खळबळ उडाली होती. काही वेळ रस्त्याच्या दोन्ही बाजूकडील वाहतूक ठप्प झाली होती.

नवी मुंबईतील वाशी येथील सिडको ऑडिटोरियम हॉलच्या समोरील रस्त्यावर कारला भीषण आग लागली. आगीच्या ज्वाळा आणि धुराचे लोट बाहेर पडत होते. या आगीत कार जळून खाक झाली. अचानक लागलेल्या आगीमुळं धावपळ उडाली होती. या घटनेची माहिती मिळाल्यानंतर अग्निशमन दलाचे बंब घटनास्थळी पोहोचले. त्यांनी आगीवर नियंत्रण मिळवण्याचे प्रयत्न सुरू केले. काही वेळाने ही आग आटोक्यात आली, पण तोपर्यंत कार संपूर्णपणे जळून खाक झाली होती. आगीच्या घटनेमुळं दोन्ही दिशेकडील वाहतूक काही वेळ ठप्प झाली होती.