बिलासपूर (हिमाचल प्रदेश): शिमला-मातौर राष्ट्रीय महामार्गावर एक धक्कादायक आणि मन हेलावून टाकणारी घटना समोर आली आहे. रस्त्यावर शांतपणे बसलेल्या एका बैलाला भरधाव वेगात येणाऱ्या कारने जोरात धडक दिली. धडक एवढी भीषण होती की कारने बैलाला काही अंतरापर्यंत फरफटत नेलं. ही घटना हिमाचल प्रदेशातील बिलासपूर परिसरात घडली असून, अपघातानंतर कारचालक घटनास्थळावरून फरार झाला आहे. या घटनेचा संपूर्ण व्हिडिओ आज सोशल मीडियावर व्हायरल झाला असून, नागरिकांमध्ये तीव्र संतापाची लाट उसळली आहे. या अपघातात बैलाचा जागीच मृत्यू झाला असून, वाहनचालकाविरोधात पोलीस कारवाईची मागणी जोर धरू लागली आहे.