हत्ती हा प्रेमळ आणि बुद्धिमान प्राणी मानला जातो. माणसाची आणि हत्तीची मैत्री अनेकदा पाहायला मिळते. मात्र, अशा मैत्रीचा अनोखा नमुना नुकताच एका शाळेत पाहायला मिळाला. शाळेमध्ये ‘पेट डे’चे आयोजन करण्यात आले होते. यानिमित्त मुलांनी आपल्या घरातील पाळीव प्राणी आणले होते. कुणी कुत्रा घेऊन आला तर कुणी मांजर. पण यामध्ये सगळ्यांचे लक्ष वेधून घेतले ते एका लहानग्याने! कारण तो चक्क आपल्या पाळीव हत्तीला घेऊन शाळेत पोहोचला. या अनोख्या दृश्याने तिथे उपस्थित विद्यार्थी, शिक्षक आणि पालक अवाक् झाले. हत्ती अगदी शांतपणे मुलांच्या गर्दीत उभा राहून लाड करून घेत होता. हा व्हिडिओ सोशल मीडियावर व्हायरल होत असून, नेटिझन्स त्यावर कौतुकाचा वर्षाव करत आहेत.