नवी मुंबईतील वाशी परिसरातील बेकायदेशीर इमारतीच्या प्रकरणावरून मुंबई उच्च न्यायालयाने उपमुख्यमंत्री एकनाथ शिंदे यांच्या अधिकारावर प्रश्न उपस्थित केला आहे. नवी मुंबई महानगरपालिकेने १४ मजली 'नैवेद्य' इमारत बेकायदेशीर असल्याचे सांगत पाडकामाची नोटीस बजावली होती. मात्र, उपमुख्यमंत्री शिंदे यांनी ही कारवाई थांबवली. यावर न्यायालयाने, शिंदे यांनी कोणत्या अधिकाराने मनपाच्या नोटीसीला स्थगिती दिली, असा सवाल उपस्थित केला आहे.

मनपाने इमारतीविरोधात कायदेशीर प्रक्रिया सुरू केली असतानाही शिंदेंनी हस्तक्षेप केल्याने न्यायालयाने नाराजी व्यक्त केली आहे. या प्रकरणात राज्य सरकारचे उत्तर आणि शिंदे यांच्या भूमिकेबाबत स्पष्टीकरण सादर करण्याचे आदेश न्यायालयाने दिले आहेत.