मुंबई हायकोर्टाला बॉम्बने उडवून देण्याची धमकी देण्यात आली आहे. आठवड्यात दुसऱ्यांदा हायकोर्टाला धमकी देण्यात आली आहे. हायकोर्टात मोठ्या प्रमाणात पोलिस बंदोबस्त तैनात करण्यात आला आहे. मागील वेळेस ज्याप्रमाणे धमकी प्राप्त झाल्यावर हायकोर्टातील कर्मचाऱ्यांना बाहेर काढण्यात आलं होतं त्याप्रमाणे यावेळेसही हायकोर्टातील वकील आणि इतर कर्मचाऱ्यांना इमारती बाहेर पडण्याच्या सूचना देण्यात आल्या.

मागच्या आठवण्यामध्ये आधी दिल्ली हायकोर्ट त्यानंतर मुंबई हायकोर्टाला बॉम्बने उडवून देण्याची धमकी देण्यात आली होती. मेलद्वारे ही धमकी देण्यात आली होती. या धमकीनंतर कोर्ट आणि कोर्टाचा परिसर रिकामा करण्यात आला होता. त्यानंतर दिल्ली पोलिस आणि मुंबई पोलिस अलर्ट मोडवर आले होते. त्यांनी संपूर्ण परिसराची तपासणी करत सीसीटीव्ही देखील तपासले होते.