मुंबई महापालिका निवडणुकीनिमित्त ठाकरे बंधुंनी संयुक्त मुलाखत दिली आहे. राज ठाकरे आणि उद्धव ठाकरे यांची संयुक्त मुलाखत संजय राऊत आणि महेश मांजरेकर यांनी घेतली आहे. ठारकरे बंधूंची ही मुलाखत ८ जानेवारीला प्रदर्शित होणार आहे. या मुलाखतीमधील पहिला फोटो समोर आला असून तो व्हायरल होत आहे. यामध्ये राज ठाकरे, उद्धव ठाकरे, संजय राऊत आणि महेश मांजकरेकर एकत्र बसलेले दिसत आहेत. या मुलाखतीमध्ये ठाकरे बंधू नेमकं काय बोलणार आहेत याकडे सर्वांचे लक्ष लागले आहे.

दरम्यान, ठाकरे बंधू मुंबई महानगर पालिकेचे निवडणूक एकत्र लढत आहेत. नुकताच मनसे-शिवसेना आणि राष्ट्रवादी काँग्रेसकडून वचननामा जाहीर करण्यात आला होता. या वचननाम्यामध्ये मुंबईकरांसाठी शिक्षण, रस्ते, पाणी, वीज, प्रवास हे पूर्ण करण्याबाबत अनेक आश्वासनं देण्यात आली आहेत. महत्वाचे म्हणजे, मुंबई महापालिका निवडणुकीसाठी ठाकरे बंधूंनी सभांवर जोर न देता प्रत्येक शाखांना भेट देण्याचा निर्णय घेतला आहे. त्याप्रमाणे राज ठाकरे, उद्धव ठाकरे, आदित्य ठाकरे, अमित ठाकरे आणि पक्षाचे नेते मुंबईतील शाखांना भेट देत जनतेशी संवाद साधत आहेत.