महाराष्ट्राच्या राजकारणात पुन्हा एकदा महायुतीत तणाव वाढताना दिसतोय. विधान परिषदेच्या निवडणुकीच्या पार्श्वभूमीवर शिंदेसेना आणि भाजप यांच्यात जागावाटपावरून मतभेद उफाळून आले आहेत. विधान परिषदेच्या निवडणुकीत भाजप 12 जागांवर निवडणूक लढण्यास उत्सुक असल्याची माहिती आहे. तर दुसरीकडे शिंदेसेनेनं 7 जागांची मागणी केली आहे. मात्र, भाजपकडून शिंदेसेनेला 3 पेक्षा जास्त जागा देण्यास नकार देण्यात आल्याचं समजतंय. या पार्श्वभूमीवर महायुतीत जागावाटपाच्या चर्चेत अद्याप एकमत झालेलं नाही. त्यामुळे येणाऱ्या निवडणुकीत दोन्ही पक्ष आमनेसामने येण्याची शक्यता वर्तवली जात आहे. विधान परिषदेच्या निवडणुकीत महायुतीतला हा वाद किती वाढतो आणि शेवटी कोणता फॉर्म्युला ठरतो, याकडे सर्वांचं लक्ष लागलं आहे.