अकोला महापालिकेत भाजपने शहर सुधार आघाडीच्या माध्यमातून सत्ता स्थापनेचा दावा केला आहे. भाजपच्या शारदा खेडकर यांना महापौरपदासाठी उमेदवारी देण्यात आली आहे. भाजपला दोन्ही राष्ट्रवादी काँग्रेस गट आणि शिंदेसेनेचा पाठिंबा असल्याची माहिती समोर आली आहे. अमरावती विभागीय कार्यालयात अपक्ष आणि पक्षीय उमेदवारांचे गट तयार करण्यात आले आहेत. दुसरीकडं महाविकास आघाडीनेही सत्तास्थापनेचा दावा केला आहे. अकोला महापालिकेतील सत्ता समीकरणांवर सर्वांचे लक्ष लागले आहे.

अकोला महापालिकेच्या ८० जागांसाठी निवडणूक झाली. त्यात भाजप सर्वाधिक ३८ जागा जिंकून मोठा पक्ष ठरला आहे. काँग्रेसचे २१ उमेदवार निवडून आले. उद्धव ठाकरे यांच्या शिवसेनेच्या सहा, शिंदेसेनेचा एक, अजित पवार राष्ट्रवादीचा एक, तर शरद पवार गटाचे तीन उमेदवार विजयी झाले. वंचित बहुजन आघाडीचे पाच, एमआयएमचे तीन, अकोला विकास समिती १ आणि अपक्ष एक उमेदवार विजयी झाला.