नागपूर महापालिका निवडणुकीत पक्षशिस्तभंग केल्याप्रकरणी भाजपने मोठी कारवाई केली आहे. भाजपने अधिकृत उमेदवाराविरोधात निवडणूक लढवणाऱ्या ३२ जणांचे निलंबन केले. भाजप शहराध्यक्ष दयाशंकर तिवारी यांचाकडून पदाधिकाऱ्यांना ६ वर्षांसाठी निलंबनाचा निर्णय घेतला. निलंबितांमध्ये माजी महापौर अर्चना डेहनकर यांचे पती विनायक डेहनकर यांचा समावेश आहे. माजी नगरसेवक दीपक चौधरी यांनाही पक्षातून निलंबित करण्यात आले. पक्षनिष्ठा आणि शिस्त सर्वोच्च, असा इशारा भाजप शहराध्यक्षांनी पदाधिकाऱ्यांना दिला.

पक्षाच्या उमेदवारांविरोधात काम करणाऱ्यांवर भाजपकडून कारवाईचा बडगा सुरू झाला आहे. विविध प्रभागांतील कार्यकर्ते आणि उमेदवारांवर निलंबनाची कारवाई केली जात आहे. प्रभाग १ ते ३४ मधील एकूण ३२ जणांची पक्षातून हकालपट्टी करण्यात आली. महापालिका निवडणुकीत बंडखोरी खपवून घेतली जाणार नाही असे स्पष्टपणे पक्षाकडून सांगण्यात आले.