Shreya Maskar
यंदा 3 मार्चला होळी हा सण आला आहे. होळीला रंग खेळताना आपल्या त्वचेची विशेष काळजी घ्या. होळीला चेहऱ्याला पक्का रंग लागला असेल, तर घरगुती उपायांनी चेहरा स्वच्छ करा.
रंग खेळायला जाण्याआधी शरीराला भरपूर खोबरेल तेल लावा. जेणेकरून रंग चेहऱ्याला लागणार नाही. तसेच शरीराला कव्हर करतील असे कपडे घाला. शॉर्ट ड्रेस घालणे टाळा.
त्यानंतर शरीराला मॉइश्चरायझर आणि सनस्क्रीन दोन्हीही समप्रमाणात लावा. यामुळे त्वचेवर थर तयार होतील, ज्यामुळे कोणताही रंग थेट तुमच्या त्वचेला लागणार नाही.
रंग खेळून आल्यावर रंग सुकण्याआधी शरीर स्वच्छ करा. कोमट पाण्याने आंघोळ करा. एका बाऊलमध्ये बेसन पीठ आणि तेल मिक्स करून संपूर्ण शरीराला लावा.
त्यानंतर एका बाऊलमध्ये तांदळाचे पीठ, बेसन पीठ, दूध आणि लिंबाचा रस एकत्र करून त्वचेवर चोळा. तांदळामुळे त्वचा उजळ होण्यास मदत करते आणि पक्का रंग देखील निघून जातो.
होळीचा पक्का रंग काढण्यासाठी कोरफडीचा गर खूप जास्त फायदेशीर आहे. कोरफडीचा गर ओल्या त्वचेला लावल्यास रंग सिंपल पद्धतीने काढता येतो.
रंग काढण्यासाठी गरम पाणी वापरू नका, त्यामुळे रंग त्वचेत अधिक पक्का बसतो. अशावेळी कायम कोमट आणि थंड पाण्याचा वापर करावा.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.