भाजपचे आमदार रवी राणा यांनी ठाकरे बंधूंच्या युतीवर भाष्य करत जोरदार हल्लाबोल केला. राज्यात उबाठाची हालत ही घराबाहेरी वर्हांड्यातील बाकड्याप्रमाणे झाली आहे. महाराष्ट्रात सर्वात 'ढ' पक्ष म्हणजे उबाठा आहे. उबाठा आणि मनसेचे युती म्हणजे ही मजबुरी आहे, भाजपला थांबण्यासाठी ते एकत्र येत आहे. मात्र, बाळासाहेबांचे हिंदुत्वाचे विचार हे भाजपमध्ये आहे. उबाठा आता काँग्रेस आणि राष्ट्रवादीला सोडचिठ्ठी देत मनसेसोबत युती करत आहे. उद्धव ठाकरे हे सत्तेसाठी बेचैन झाले आहे. त्यांना महाराष्ट्राचं काही घेणं देणं नाही. मुंबईच्या महानगरपालिकेतून उद्धव ठाकरे यांना दररोज इन्कम मिळते. त्यासाठी आपलं वसुलीचे काम महानगरपालिकेच्या माध्यमातून सुरू राहिलं पाहिजे यासाठी हे सगळं सुरू आहे. अशा तीव्र शब्दात आमदार रवी राणा यांनी उद्धव ठाकरेंवर टीकास्त्र सोडले.