ज्या कंपनीने भाजपला कोट्यवधी रुपयांचे इलेक्टोरल बॉण्ड दिला त्यांना भाजपने रिंग रोडचे कंत्राट दिले आहे, असा आरोप काँग्रेस आमदार रवींद्र धंगेकर यांनी केला आहे. मेघा इंजिनीअरिंग कंपनीने भाजपला ९९६ कोटी रुपयांचा निधी दिला आहे. याच कंपनीला भाजपने रिंग रोडचं तीन टप्प्याचं काम दिले आहे. या प्रकरणी उच्च स्तरीय चौकशी व्हावी अशी मागणी धंगेकरांनी केली आहे. चंदा दो धंदा लो असा प्रकार रिंग रोडच्या कामात झाला असून पुणेकरांच्या टॅक्सची लूट होत असल्याचेही धंगेकरांनी म्हटले आहे.