Lok Sabha Election 2024: लोकसभा निवडणुकीआधीच भाजपनं खातं उघडलं आहे. भाजपनं आपला पहिला विजय मिळवत गुजरातमधल्या एका उमेदवाराची बिनविरोध निवड झाली आहे. गुजरातमध्ये मुकेश दलाल यांची बिनविरोध निवड झाली आहे. भाजप उमेदवार मुकेश दलाल यांच्या विरोधात जेवढे उमेदवार होते, त्या सगळ्यांनी आपले उमेदवारी अर्ज मागे घेतले आहेत. त्यामुळे मुकेश दलाल यांचा विजय पक्का असल्याचं स्पष्ट झालंय. दरम्यान, या बिनविरोध निवडीनं भाजपनं आपलं लोकसभेच्या निवडणुकीचं खात निवडणुकीआधीच उघडल्याची चर्चा राजकीय वर्तुळात रंगलीय.