विधानसभा निवडणुकीनंतर भांडुप मतदारसंघात भाजपचे अशोक पाटील विजयी झाले आहे. याठिकाणी शिवसेना उबाठाचे रमेश कोरगावकर आणि शिंदेंच्या शिवसेनेचे अशोक पाटील यांच्यामध्ये अटीतटीची लढत झाली. यावेळी अशोक पाटील यांनी साम टीव्हीशी संपर्क साधला. यावेळी बोलताना अशोक पाटील म्हणाले की, माझ्यासाठी ही लढाई अटीतटीची नव्हती, माझा या मतदारसंघातील जनतेशी जवळचा संबंध आहे. मी कायम सामान्य जनतेत फिरत असतो. त्यामुळे मला मतदारांचा कौल मिळेल याबद्दल खात्री होती. यापुढची पाच वर्ष आता मला भांडुपच्या सर्वांगीण विकासासाठी काम करायचं आहे. मुखत: भांडुपमधील रस्त्यांच्या दुरावस्थेने येथील नागरिक त्रस्त आहेत. त्यांच्यासाठी भांडुपच्या रस्त्यांची दुरुस्ती हे माझं पहिलं काम आता असणार आहे, असं यावेळी बोलताना अशोक पाटील यांनी सांगितलं. त्यांचबरोबर इथल्या जनतेने माझ्यावर टाकलेली जबाबदारी मी पूर्ण करेन, अशी ग्वाही देखील त्यांनी दिली आहे.

Edited By Rakhi Rajput