ठाण्यातून वाहतूक कोंडीची मोठी बातमी समोर येत आहे. मुलुंड टोल नाक्याकडून मुंबईकडे जाणाऱ्या वाहनांच्या लांबच लांब रांगा लागल्या असून मोठी वाहतूक कोंडी झाली आहे. आठवड्याच्या पहिल्याच दिवशी नोकरदार वर्गाला कामावर जाताना वाहतूक कोंडीचा फटका बसला आहे.मुलुंड टोल नाका ते मुंबई कडे जाणाऱ्या रस्त्यावर दोन ते तीन किलोमीटर वाहनांच्या लांबच लांब रांगा लागलेल्या पाहायला मिळत आहे. गेल्या अर्धा ते पाऊण तासापासून ही वाहतूक कोंडी सुरु असून रस्त्यावरील पडलेले खड्डे, सिग्नल यंत्रणा आणि टोलनाक्यामुळे वाहतूक कोंडीचा सामना वाहन धारकांना करावा लागत आहे.