उपमुख्यमंत्री एकनाथ शिंदे यांनी ऑपरेशन टायगरद्वारे उद्धव ठाकरे यांना मोठा धक्का दिला. शिंदेंनी ठाकरेंचे ६ विश्वासू खासदार फोडले. हे सर्व खासदार आज शिंदेसेनेत प्रवेश करणार आहेत. हे सर्व खासदार नुकताच दिल्लीवरून मुंबईत दाखल झाले आहेत. शासकीय विमानातून हे सर्व खासदार मुंबई विमानतळावर आले.

भाऊसाहेब वाकचौरे, संजय जाधव, संजय देशमुख, नागेश पाटील आष्टीकर हे ४ खासदार दिल्लीवरून मुंबईत आले आहेत. संजय दीना पाटील आणि ओमराजे निंबाळकर हे या खासदारांसोबत नाहीत. ओमराजे निंबाळकर हे सोलापूरवरून निघाले आहेत पण ते अद्याप मुंबईत पोहचले नाहीत. तर संजय दीना पाटील हे मुंबईत असून ते थेट वायबी चव्हाण सेंटरवर येतील असे सांगितले जात आहे.

हे सर्वच्या सर्व ६ खासदार नंदनवन या एकनाथ शिंदे यांच्या शासकीय बंगाल्यावर जाऊन त्यांची भेट घेतील. त्यानंतर ते वायबी चव्हाण सेंटरवर जाऊन पत्रकार परिषद घेतील. त्यानंतर त्याठिकाणीच ते एकनाथ शिंदे यांच्या उपस्थितीत शिवसेनेत पक्षप्रवेश करतील. उदय सामंत आणि इतर मंत्र्याच्या उपस्थितीत हा पक्षप्रवेश सोहळा पार पडेल.