लोणावळ्यात भुशी डॅममध्ये पाच जण वाहून त्यांचा मृत्यू झाला होता. आता प्रशासनाने या भागात सूचनेचे बॅनर लावले आहेत. या धबधब्याकडे जाणाऱ्या रस्त्यावर व जंगल परिसरात आता बोर्ड लावण्यात येणार आहेत. एकूण 10 बोर्ड या परिसरात लावण्यात येणार आहेत. नागरिकांसाठी जाहीर सूचनेचे हे फलक असून सेंट्रल रेल्वे भुशी डॅम यांच्याकडून हे फलक लावण्यात येणार आहेत. दुर्घटना घडल्यानंतर तातडीने जिल्हाधिकारी यांच्या आदेशानुसार हे फलक लावण्यात येणार आहेत. या सूचनेत असे म्हटले आहे की इथे बुडण्याच्या घटना घडल्या आहेत आणि त्यमुळे काही जणांचा जीव गेला आहे. त्यामुळे पर्यटकांनी पाण्यात प्रवेश करू नये. हे धोकादायक असून आपले जीवन अनमोल आहे असे या फलकावर म्हटले आहे.