आझाद मैदानावर मनोज जरांगे पाटील यांचे उपोषण सुरू आहे. उपोषणाचा आज तिसरा दिवस आहे. त्यांना पाठिंबा देण्यासाठी लाखो समाज बांधव मुंबईत दाखल झाले असून त्यांच्या राहण्याची खाण्याची गैरसोय होत आहे. हे टाळण्यासाठी आता बीड जिल्ह्यातील पन्नास गावकऱ्यांनी निर्णय घेत पाच लाख भाकरींचे नियोजन करत थेट ट्रकच्या सहाय्याने या पाच लाख भाकरी ठेचा चटणी लोणचं आता मुंबईच्या दिशेने रवाना झाले आहेत. कुठल्याही परिस्थितीत मुंबईमधील आंदोलकांना जेवणाची गैरसोय होऊ नये म्हणून बीडमधील गाव खेड्यातील मराठा समाज बांधवांनी हा निर्णय घेतला आहे.