बीड येथील गेवराई येथे काल ओबीसी आंदोलक लक्ष्मण हाके आणि आमदार विजयसिंह पंडित यांच्या समर्थकांमध्ये जोरदार राडा झाला. यावरून आज पुन्हा हाके आणि पंडित यांच्यामध्ये जोरदार टीका टिप्पणी झाली. मला काल परवापासून लोक सांगत आहे की त्याला पापड्या म्हणतात. तो पापड्या आमदार मुंबईला गेलाय. तो पापड्या म्हणतोय की मी आंदोलनात सहभागी होणार आहे. मग देना आमदारकीचा राजीनामा हो सहभागी कारण आम्ही देखील मतदान दिले आहे.

महाराष्ट्राच्या विधानसभेमध्ये शपथ घेतलीय. त्या शपथेचा भंग केला आहेस तू कायद्याने तुझ निलंबन झाले पाहिजे, आणि तुला काय जरांगेची चाटायची ती चाट अशा एकेरी शब्दात हाके यांनी आमदार पंडित यांच्यावर हल्लाबोल केला. यावर आमदार विजयसिंह पंडित यांनी जोरदार पलटवार करत म्हणाले, तो जातिवंत नाही तर तो स्ट्रीट डॉग आहे. आणि त्याची लायकीच ती आहे. वास्तविक पाहता आमच्याकडे एक म्हण आहे की डुकरासोबत कुस्ती खेळायची नसते आणि मर्यादेच्या बाहेर गेल्यानंतर अशांची नांगी ठेचण्याची जबाबदारी सुद्धा निश्चितपणाने आमची आहे असा घणाघाती इशारा आमदार विजयसिंह पंडित यांनी लक्ष्मण हाके यांना दिला.