मुंबई : विधानसभा निवडणुकीमुळे राजकीय नेत्यांकडून आरोप-प्रत्यारोप सुरु झाले आहेत. राजकीय नेत्यांनीही जाती-धर्मांच्या मुद्द्यांवरून राजकारण सुरु केलं आहे. सध्या राजकारणात बटेंगे तो कटेंगे, या वाक्याची जोरदार चर्चा होत आहे. मुळात या वाक्याचा उत्तर प्रदेशचे मुख्यमंत्री योगी आदित्यनाथ यांनी पहिल्यांदा आग्रा येथील भाषणात वापर केला.

बांगलादेशात सत्तांतर झाल्यानंतर तेथील हिंदूवरील हल्ले झाले. त्यामुळे कसं सावध राहिलं पाहिजे, हे सांगत असताना योगी आदित्यनाथ यांनी बटेंगे तो कटेंगे, हा नारा दिला. त्यानंतर हिंदूत्ववादी नेत्यांनी हा शब्द उचलला. त्यानंतर सर्वत्र वापरण्यास सुरुवात केली. आता या वाक्याची राज्यात जोरदार चर्चा सुरु झाली आहे.