बार्शी नगरपरिषद निवडणुकीत शिवसेना उद्धव बाळासाहेब ठाकरे पक्षाला महत्त्वाचे यश मिळाले आहे. प्रभाग क्रमांक १ मधून शिवसेना ठाकरे गटाचे दोन उमेदवार विजयी झाले आहेत. त्याचबरोबर बार्शीत भारतीय जनता पक्षानेही चांगली कामगिरी करत एकूण चार उमेदवार विजयी केले आहेत. निकालानंतर दोन्ही पक्षांच्या कार्यकर्त्यांमध्ये उत्साहाचे वातावरण पाहायला मिळत असून, विजयी उमेदवारांचे अभिनंदन केले जात आहे. बार्शीतील अंतिम सत्ता समीकरणे कशी आकार घेतात, याकडे आता राजकीय वर्तुळाचे लक्ष लागले आहे.