बारामती पोटनिवडणुकीच्या पार्श्वभूमीवर राजकीय घडामोडींना वेग आला आहे. बारामतीची निवडणूक बिनविरोध व्हावी, यासाठी शरद पवार मैदानात उतरले आहेत. रोहित पवार यांनी देखील आज गुरुवारी काँग्रेस प्रदेशाध्यक्ष हर्षवर्धन सपकाळ यांची भेट घेतली. या भेटीनंतर पत्रकार परिषद घेत शरद पवारांच्या सल्ल्यावर सपकाळ यांनी भाष्य केलं. काँग्रेस प्रदेशाध्यक्ष हर्षवर्धन सपकाळ यांनी शरद पवारांचा सल्ला देण्याचा अधिकार असल्याचे म्हटलं आहे. सपकाळ यांच्या विधानामुळे राजकीय चर्चांना वेग आला आहे.त्यामुळे बारामती निवडणूक बिनविरोध होणार का, याकडे साऱ्यांचे लक्ष लागलं आहे.