तेलंगणाचे भाजपचे माजी प्रदेशाध्यक्ष बंडी संजय कुमार यांनी मंत्रपदाची शपथ घेतली. जेव्हा बंडी कुमार यांनी आपली शपथ पुर्ण केली तेव्हा त्यांच्या समर्थकांनी जय श्री रामच्या जोरदार घोषणा दिल्या. या घोषणांनी सारा परिसर निनादून गेला. २०१९ साली करीमनगरमधून कुमार पहिल्यांदा खासदार झाले होते. २०२३ साली दहावीचे पेपर फुटल्याप्रकरणी त्यांना अटकही झाली होती. पोलिसांनी बंडी कुमार आणि इतर दोन आरेपींचे व्हॉट्सॅप चॅटही जारी केले होते. एप्रिल २०२३ मध्ये बंडी कुमार यांची जामिनावर सुटकाही झाली होती.