विधानसभेत ठाकरे गटाला मोठा पराभव पत्करावा लागल्यानंतर उद्या नशिकच्या गोविंदनगर येथील मनोहर गार्डन येथे बुधवारी 16 एप्रिल रोजी शिवसेना ठाकरे गटाचे एकदिवसीय निर्धार शिबिर पार पडणार आहे. ठाकरे गटाचे पक्षप्रमुख उद्धव ठाकरे हे शिबिरात मार्गदर्शन करणार असून आदित्य ठाकरे यांच्या हस्ते शिबिराचे उद्घाटन होणार आहे.

सर्वात महत्वाचे म्हणजे या शिबिरात हिंदूहृदयसम्राट बाळासाहेब ठाकरे यांची तोफ धडाडणणार आहे. बाळासाहेब ठाकरे यांचे न एकलेले भाषण दाखविणार असल्याची माहिती ठाकरे गटाचे खासदार संजय राऊत यांनी दिली आहे.

एआय प्रणालीद्वारे कधी ही आणि कोणीही न ऐकलेले बाळसाहेबांचे भाषण दाखवले जाणार आहे. तसेच हे भाषण अतिशय आक्रमक आणि वेगळ्या पद्धतीचे असणार आहे अशी माहिती संजय राऊत यांनी दिली. हे भाषण बघण्यासाठी सर्व शिवसैनिक आणि पदाधिकारी हे उत्सुक असल्याचे पहायला मिळत आहे. आता उद्या बाळासाहेबांची तोफ कोणावर धडाडणार याची उत्सुकता सर्व राज्याला लागली आहे.