बदलापूर रेल्वे स्थानकाच्या पूर्वेकडील पादचारी पुलावर अक्षरशः पावसाच्या धारा लागल्याचं पाहायला मिळतय. स्कायवॉकला जोडणाऱ्या भागातच पाऊस सुरू झाला की पावसाच्या धारा लागतात. त्यामुळे रेल्वे स्टेशनवर येणाऱ्या प्रवाशांना एक तर छत्री उघडून किंवा पावसात भिजतच रेल्वे स्टेशन गाठावं लागतंय. तिकीटघराच्या शेजारी असलेल्या भागातच पावसाचं पाणी गळत असून हे सर्व पाणी पादचारी पुलावरच साचतय. त्यामुळे घाईघाईत येणारे प्रवासी घसरून पडण्याची भीती व्यक्त केली जातीय. तसच या साचलेल्या पाण्यातून मार्ग काढावा लागतोय. त्यामुळे लवकरात लवकर रेल्वे प्रशासनाने ही पाणी गळती बंद करावी अशी मागणी प्रवाशांमधून केली जात आहे.