बदलापूर येथील एका शाळेत लैंगिक अत्याचार केल्या प्रकरणी आरोपी अक्षय शिंदेचा एन्काऊंटर संदर्भात एक मोठी अपडेट समोर आली आहे. न्यायमूर्ती दिलीप भोसलेंच्या न्यायालयीन आयोगाकडून पोलिसांना क्लीनचिट देण्यात आली आहे. स्वरक्षणसाठी अक्षय शिंदेवर गोळीबार केल्याचा पोलिसांचा दावा न्या. दिलीप भोसलेंच्या न्यायालयीन आयोगाने मान्य केला आहे. मात्र आरोपीला व्हॅनमधून नेण्याच्या निर्णयावर काही सवाल देखील यावेळी उपस्थित केले आहे. राज्य मानवधिकार आयोगाकडूनही पोलिसांना यापूर्वीच क्लीन चीट मिळाली आहे.