कल्याण : बदलापुरातील आंदोलकांना अटक करण्यात आली आहे. त्यांना न्यायालयीन कोठडी देखील सुनावली आहे. यातील आंदोलकामध्ये एका चुकून अटक केल्याची दावा एका तरुणाच्या आईने केली आहे. रोहित घोलप असे तरुणाचे नाव आहे. दिव्याला कामाला निघाला होता. स्टेशनवर आल्यानंतर पोलिसांनी अटक केली, असा रोहितच्या आईने दावा केला आहे.

रोहित घोलपला अटक केल्यानंतर त्याच्या आईने आक्रोश केला. रोहितची आई म्हणाली,'रोहित दिव्याला कामाला आहे. गाडी चालू आहे का, हे पाहण्यासाठी स्टेशन परिसरात गेला. त्यावेळी त्याला पोलिसांनी अटक केली. मी गावावरून आले. तेव्हा मला ही बाब कळाली. रोहित घोलप असे माझ्या मुलाचं नाव आहे. त्याला वडील नाही. मी त्याच्यासाठी एकटीच आहे. माझ्या मुलाला सोडवा. माझ्या पतीचं लॉकडाऊनच्या काळात निधन झालं'.