औरंगयाविषयी कुणालाही ममत्व असण्याच काही कारण नाही. माननीय मुख्यमंत्री देवेंद्र फडणवीस यांच्या या विधानाशी मी सहमत आहे. क्रूरकर्मा औरंग्याच्या कबरीचे महिमामंडन हे होऊ दिल जाणार नाही किंवा होऊ देऊ नये या विधानाशी सहमत आहे. मात्र, ही औरंग्याची कबर म्हणजे मराठ्यांच्या असीम शौर्यच प्रतीक आहे, असे अमोल कोल्हे यांनी माध्यमांशी बोलताना सांगितले.

अमोल कोल्हे पुढे म्हणाले, जी काय दुर्घटना झाली आहे, ती अत्यंत दुर्दैवी आहे. मी मुख्यमंत्र्यांना कळकळीची विनंती करू इच्छीतो की सातत्याने अशी दोन धर्मात वाद निर्माण होतील अशी वक्तव्य करणाऱ्या नेत्यांना त्यांनी सक्त ताकीद द्यावी आणि त्याच पद्धतीने इतर राज्यातून येऊन जे महाराष्ट्राचा इतिहासाबद्दल वक्तव्य करतात. अशा भारतीय जनता पक्षाच्या नेत्यांना देखील कडक शब्दात समज द्यावी. जेणेकरून महाराष्ट्र शांत राहील अशी मागणी त्यांनी केली. तसेच महाराष्ट्रातील जनतेला ते आवाहन करत म्हणाले, अशा कोणत्याही भडकाऊ विधानांना बळी पडू नका कुणाची तरी राजकीय पोळी भाजण्यासाठी आपल्या भवितव्याची, करिअरची होळी होऊ देऊ नका, अशी महाराष्ट्रातील जनतेला विनंती करतो असं अमोल कोल्हे म्हणाले.