नाशिकचा भोंदूबाबा अशोक खरात प्रकरणात मोठी अपडेट समोर आली आहे. भोंदू अशोक खरात प्रकरणाचे धागेदोरे पालघरपर्यंत पोहोचले आहेत. पालघर नगरपरिषदेच्या निवडणुकीत विजय मिळवण्यासाठी काही उमेदवारांनी एका राजकीय नेत्याच्या मध्यस्थीने अशोक खरातची भेट घेतली होती अशी माहिती सुत्रांनी दिली आहे. डिसेंबर २०२५ मध्ये झालेल्या नगरपरिषद निवडणुकीदरम्यान एका राजकीय पदाधिकाऱ्याने उमेदवारांची भेट अशोक खरातशी घालून दिली होती. यावेळी खरातने एका प्लास्टिकच्या डबीत तांदूळ, हळद, लिंबू ठेवून चिंचोक्यावर ‘माझी शक्ती आदी शक्ती’ असा कथित मंत्र कोरून पूजा करण्यास सांगितले. खरातला भेटलेल्या या सर्व उमेदवारांचा निवडणुकीत पराभव झाला होता अशी माहिती उघड झाली आहे.