भाजप नेते तथा मंत्री आशिष शेलार यांची एक ऑडिओ क्लिप सध्या सोशल मीडियावर व्हायरल होत आहे. यामध्ये पंढरपूरच्या एका तरुणाने शेलार यांना फोन करून 'बडवे' शब्दाचा वापर केल्याबद्दल आक्षेप नोंदवला आहे. 'मातोश्रीतील माझ्या विठ्ठलाला बडव्यांनी घेरलंय', असं विधान शेलार यांनी केलं होतं. यावर स्पष्टीकरण देताना शेलार यांनी आपण हे विधान राज ठाकरे यांच्या संदर्भाने केल्याचं म्हटलं आहे. तसेच, आपला रोख बडवे समाजावर नसून राजकीय विरोधकांवर असल्याचं त्यांनी स्पष्ट केलं. या संवादात तरुणाने बडवे समाजाचा इतिहास आणि मंदिराच्या रक्षणातील योगदानही मांडलं आहे.