विधिमंडळाचं पावसाळी अधिवेशन सुरू असून सभागृहात ठाकरे सेनेचे आमदार अनिल परब चक्क लिंबू मिरच्या घेऊन आले. लाडक्या बहिणीसाठी मी काय करू शकतो तर मी लाडक्या बहिणीच्या सुरक्षेची काळजी करू शकतो. रायगड जिल्ह्यात लाडक्या बहिणीला सुरक्षित राहता यावे यासाठी मी लिंबू मिर्ची घेऊन आलो आहे, असं ते यावेळी म्हणालेत. मी अंधश्रद्धा पाळत नाही. परंतु सध्या रायगड जिल्ह्यात तंत्रमंत्र, अघोरी प्रकार, रेडे, बैल कापले जात आहेत. पालकमंत्री पदासाठी हे सगळं सुरू आहे. त्यामुळे बहिणीच्या सुरक्षेसाठी मी काहीतरी करूच शकतो म्हणून मी लिंबू मिर्ची घेऊन आलो असं ते म्हणालेत.