चक्क अंगणवाडी शेजारी स्मशानभूमी.....! ऐकून नवल वाटलं असेल, मात्र हा प्रकार आहे बुलढाणा जिल्ह्यातील जिल्हा प्रशासनाच्या भोंगळ कारभाराचा. बुलढाणा जिल्ह्यातील संग्रामपूर तालुक्यातील पिंपरी या गावात चक्क अंगणवाडी इमारतीच्या लगतच नवीन स्मशानभूमी बांधण्यात आल्याचा धक्कादायक प्रकार समोर आलाय. गावात मृत्यू झाल्यास याच स्मशानभूमीत अंत्यसंस्कार करण्यात येतात आणि आतां भीतीमुळे मात्र या अंगणवाडीत आता मुलेच येत नाहीत आणि त्यामुळे ही अंगणवाडी आता बंदच आहे...त्यामुळे अंगणवाडीत स्मशानभूमी की स्मशानभुमित अंगणवाडी...? असा सवाल गावातील नागरिकांना पडला आहे. या इमारतीत चक्क एका खाजगी व्यक्तीने बस्तान बसवलं असून आतातरी प्रशासन याकडे लक्ष देईल का...? असा प्रश्न गावकरी विचारतायत.