अकोला आणि बुलढाणा जिल्ह्याच्या सीमेवर असलेल्या सोणूना गावचा रस्ता पाण्यामूळ वाहून गेलाय. पहाडाच्या मधोमध असलेले सोणूना गाव. तब्बल 200 घरे असलेलं हे गाव. या गावचा मुख्य घाट रस्ता पाण्यामुळे वाहून गेला आहे. या रस्त्यावर अनेक ठिकाणी अक्षरशः नदीचे स्वरूप आले. त्यामुळे या सोणूना गावाचा हा रस्ता खडतर झाल्यामूळ येथील विद्यार्थ्यांच्या शिक्षणात खंड पडला जातो आहे.

आता खराब रस्त्यामूळे डोणगाव येथील स्कूल बसेस सुद्धा सोनुना येथे येणे बंद झाले आहे. त्यामुळे विद्यार्थ्यांच्या शिक्षणावर विरंजन पडले आहे. गावाच्या बाहेर जाण्यासाठी हा एकच रस्ता असल्यामुळे गावाकऱ्यांना अनेक समस्यांना सामोरे जावे लागत आहे.

अकोला जिल्ह्यातील पातूर तालुक्यातील आलेगावपासून 20 किमीवर वसलेले सोणूना गाव. येथे डोणगाव आणि आलेगावला जोडण्यासाठी डांबरी रस्ता तयार करण्यात आला होता. परंतु हा रस्ता काही महिन्यातच उखडल्याचे समजले. डोंगर दर्यातून येणाऱ्या पाण्याची योग्य विल्हेवाट न लावल्यामूळ येथे पाणी रस्त्यावरुन वाहत आहे, त्यामुळे रस्ता ठिकठिकाणी उखडलेला आहे.