अकोला जिल्ह्यातील राष्ट्रीय महामार्ग क्रमांक ५३ वर बोरगाव मंजूजवळ एका धावत्या ट्रकला आग लागलीय. अकोल्याकडून नागपूरच्या दिशेने जाणाऱ्या धावत्या खाद्यतेल वाहतूक करणाऱ्या मालवाहू ट्रकनं अचानक पेट घेतला. काही वेळातच आगीने रौद्र रूप धारण केले असून ट्रक व त्यातील साहित्य जळून खाक झाले. दरम्यान, चालकाच्या लक्षात हा प्रकार येताच त्याने प्रसंगावधान राखून चालक व वाहक या दोघेही ट्रकमधून सुरक्षित बाहेर काढले.

मिळालेल्या माहितीनुसार, खाद्यतेलाची वाहतूक करणारा मालवाहू ट्रक राष्ट्रीय महामार्ग क्रमांक ५३ वरून अकोल्याकडून अमरावतीच्या दिशेने जात असताना अचानक ट्रकने पेट घेतला. पाहता पाहता आगीने भीषण स्वरूप धारण केले. ट्रकमधील खाद्यतेलामुळे आग विझविण्याचे काम आव्हानात्मक ठरले. या घटनेमुळे महामार्गावर एकच खळबळ उडाली. आगीचे नेमके कारण अद्याप अस्पष्ट आहे.