शिखर बॅंक घोटाळ्याप्रकरणी उपमुख्यमंत्री अजित पवार यांच्या अडचणी वाढण्याची शक्यता आहे. मुंबई पोलीसांच्या आर्थिक गुन्हे शाखेने अजित पवार यांना दिलेल्या क्लीनचिट विरोधात मुंबई सत्र न्यायालयामध्ये याचिका दाखल करण्यात आली आहे. सहकार क्षेत्रातील ७ कारखान्यांनी यासंदर्भातली याचिका दाखल केली असून २५ जुलै रोजी यावर सुनावणी पार पडणार आहे. शिखर बॅंकमध्ये २५ हजार कोटींच्या घोटाळ्याच्या अजित पवार यांच्यावर आरोप आहे. यावर आता ठाकरे गटाचे नेते संजय राऊत यांनी प्रतिक्रिया दिली आहे. शिखर बॅंक घोटाळ्या संदर्भात क्लीनचिट मिळणं हाच मोठा घोटाळा आहे. अशाप्रकारचे घोटाळे, भ्रष्टाचाराचे आरोप करतात, त्यावर खटले चालवतात , मग आरोपीने पक्ष बदलला की तो खटला बंद करतात. खटला चालवताना जो खर्च झाला तो देवेंद्र फडणवीस यांच्या खिशातून घेणार की मोदी, अमित शहा यांच्या पगारातून कापणार असं म्हणत संजय राऊत यांनी खोटक टोला लगावला आहे.