मराठवाड्यात अपूर्ण कामांबाबत वाढत्या तक्रारींवरून उपमुख्यमंत्री अजित पवार यांनी आज भरसभेत ठेकेदारांना चांगलंच फटकारले आहे. टेंडर काढल्यानंतर कमिशन घेऊन झाल्यावर ठेकेदार तिथे फिरकून पण पाहत नाही याबाबत मराठवाडामध्ये अनेक तक्रारी माझ्याकडे आल्या आहेत. मी त्याचा तपास करणार आहे. काम न करताच बिले काढतात. हे प्रकार खपवून घेतले जाणार नाहीत, असा थेट इशारा अजित पवारांनी जालन्याच्या सभेत दिला.

मराठवाड्यात अनेक अपूर्ण कामांबाबत माझ्याकडे तक्रारी आल्या आहेत. काही ठेकेदार काम न करता सरळ बिल काढतात. ज्यांना ठेकेदारी करायची आहे, त्यांनी राजकारणात पडू नये. पक्षाच्या नावाखाली फक्त स्वतःचा फायदा करून घ्यायचा, अधिकार्‍यांवर दबाव टाकायचा, दमदाटी करायची हे सहन केले जाणार नाही.हा पैसा जनतेचा आहे. तो अजित पवारच्या बापाचा नाही, तुमचाही नाही आणि कुठल्याही नेत्याचा नाही. त्यामुळे जो काम करेल, तोच टिकेल, असा इशारा अजित पवारांनी दिला.