राज्याच्या राजकारणात पुन्हा एकदा राष्ट्रवादी विलिनीकरणाच्या चर्चेने जोर धरला आहे. अजित पवार यांचं निधन झाल्यानंतर शरद पवार गटाच्या नेत्यांकडून राष्ट्रवादीचे विलीनीकरण होणार होते असे विधान ऐकायला मिळत होते. मात्र, आज खुद्द अजित पवार गटाचे नेते खासदार सुनील तटकरे यांनी याबाबत वक्तव्य करत अनेकांच्या भुवया उंचावल्या. 12 फेब्रुवारीला विलिनीकरण होणार होते असे विधान तटकरे यांनी केले. यावरच आता शरद पवार गटाचे प्रदेशाध्यक्ष शशिकांत शिंदे यांनी याला दुजोरा दिला आहे. शशिकांत शिंदे म्हणाले, अजित पवार असताना आमची अनेकवेळा चर्चा झाली होती. दादांची देखील इच्छा होती की, दोन्ही पक्ष एकत्र झाले पाहिजे आणि शरद पवारांच्या नेतृत्वात काम करावे. अजित दादा गेल्यानंतर आम्ही भावनिकतीने बोलत होतो की त्यांचं स्वप्न आपण साकार करूया, पण दुर्दैवाने आम्हाला कुठलाही प्रतिसाद मिळाला नाही.