कालपासून राज्याचे मुख्यमंत्री उपमुख्यमंत्री आणि संपूर्ण मंत्रिमंडळ राज्यातल्या नुकसानग्रस्त भागांचा बांधावर जाऊन आढावा घेत आहेत. तर आजही बीड जिल्ह्यातील नुकसानीची पाहणी करण्यासाठी उपमुख्यमंत्री अजित पवार दौऱ्यावर आले आहेत. सकाळी मौजे, पिंपळगाव घाट येथून त्यांच्या दौऱ्याची सुरुवात झाली आहे.

मुसळधार पावसामुळे आणि पूरपरिस्थितीमुळे जिल्ह्यातील शेतकऱ्यांचे मोठ्या प्रमाणावर नुकसान झाले आहे. याची थेट माहिती घेण्यासाठी अजित पवारांनी बाधित भागांना भेट देण्याचा निर्णय घेतला आहे. ते प्रत्यक्ष शेतकऱ्यांशी संवाद साधून त्यांचे प्रश्न आणि अडचणी जाणून घेत आहेत. जिल्ह्यातील अनेक पिके उद्ध्वस्त झाली असून, शेतकरी हतबल झाले आहेत. या पार्श्वभूमीवर सरकारकडून तातडीने मदत मिळावी, अशी अपेक्षा शेतकऱ्यांची आहे.