आंतरराष्ट्रीय नियमक संस्थेने विमान कंपनीला उड्डाणासाठी बंदी घातली होती मग ते विमान अजित पवारांना न्यायला का आलं? जे पायलट अजित पवार यांना नेण्यासाठी येणार होते पण ते न येता दुसरेच पायलट कसे आले? अपघातानंतर अजितदादा यांच्या घड्याळाचे काय झालं? दृश्यमानता कमी होती तर मग लँडिंगचा आदेश कोणी दिला?, असे सवाल उपस्थित करत शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांनी अजित पवार यांच्या विमान अपघातासंदर्भात अनेक प्रश्न उपस्थित केले आहेत. तसंच अजितदादांचा अपघात हा घातपात असून आंतरराष्ट्रीय तपास यंत्रणांकडून याबाबतचा सखोल तपास केला जावा अशी मागणी सुद्धा त्यांनी केली आहे.

दरम्यान, २८ जानेवारीला अजित पवार यांच्या विमानाला अपघात झाला. विमान अपघात झाला त्या दिवशी अजित पवार हे बारामतीकडे निघाले होते. बारामतीत त्यांच्या चार सभा होणार होत्या. त्यासाठी ते सकाळीच साडेसात वाजता मुंबईतून विमानाने रवाना झाले होते. पण हे विमान बारामती विमातळाजवळ पोहचताच कोसळले. विमान कोसळल्यानंतर त्यामध्ये अनेक स्फोट झाले आणि त्याचे अनेक तुकडे झाले. या अपघातामध्ये विमान पूर्णत: जळून खाक झाले होते. या अपघातामध्ये अजित पवार यांच्यासह ५ जणांचा मृत्यू झाला.