Ajit Pawar identification after Baramati plane crash : बारामतीमधील विमान अपघाताच्या घटनेनंतर अजित पवार यांची ओळख नेमकी कशी पटली, याबाबत आता एक मोठी आणि महत्त्वाची माहिती समोर येत आहे. वरिष्ठ पोलीस सूत्रांनी दिलेल्या माहितीनुसार, सुरुवातीला अजित पवारांची ओळख त्यांच्या हातातील घड्याळामुळे पटली असावी, असा अंदाज वर्तवण्यात येत होता. पण आता वेगळीच माहिती समोर येत आहे. (Ajit Pawar identified by kurta fabric not watch)

विमान अमघातानंतर उपमुख्यमंत्री अजित पवारांची ओळख त्यांच्या हातावरील कुर्त्याच्या कापड्यामुळे पटल्याचं समोर आलंय... त्याच्या डाव्या हातावर घड्याळासारखा दिसणारा भाग कुर्त्याचा होता असं समजतंय. याआधी अजित पवारांची ओळख हातातील घड्याळावरुन पटल्याचं बोललं जात होतं, पण त्यांचं घड्याळ अद्याप सापडलेलं नाही.

मिळालेल्या माहितीनुसार, त्यांच्या उजव्या हातावरील कुर्त्याच्या (शर्टच्या) कापडामुळे त्यांची प्रथम दर्शनी ओळख पटली. प्रत्यक्षात त्यांच्या डाव्या हातावर जे घड्याळासारखे दिसत होते, तो त्यांच्या शर्टचाच एक भाग होता. धक्कादायक बाब म्हणजे, मृत्यूनंतर आतापर्यंत अजित पवारांचे घड्याळ पडलेले नाही. केवळ कापडावरून झालेली ही ओळख प्राथमिक होती. त्यामुळे या प्रकरणाचे गांभीर्य लक्षात घेऊन आणि पूर्णपणे खात्री पटवण्यासाठी प्रशासनाकडून DNA चाचणी करण्यात आली.