अजित पवार यांना सोबत घेतल्याने भाजपला फटका बसला अशी टीका राष्ट्रीय स्वयंसेवक संघाने आपल्या ऑर्गनायझर या मुखपत्रातून केली होती. आता आजित पवार गटाने संघाचा समाचार घेतला आहे. उत्तर प्रदेश आणि इतर राज्यातही भाजपला फटका बसला, तिथेही अजित पवार जबाबदार आहे का असा सवाल सूरज सावंत यांनी विचारला आहे. राज्यात महायुतीला फटका बसला, याची जबाबदारी तिनही पक्षांनी घेतली तरी एकट्या अजित पवार गटाला का जबाबदार धरले जाते असेही सावंत म्हणाले.