राज्याचे उपमुख्यमंत्री अजित पवार यांची ईडी चौकशी ही सुरूच राहाणार असल्याचं सूत्रांकडून सांगण्यात आलं आहे. अजित पवार यांच्या विरोधात ईडीचा तपास बंद होणार नाही आहे, असंही सूत्रांनी माहिती दिली आहे. सिंचन आणि बँक घोटाळा प्रकरणी ईडीकडून अजित पवार यांची चौकशी सुरू आहे. ती यापुढेही सुरूच राहणार आहे. ईडीकडून याबद्दल अजूनही क्लोजर रिपोर्ट आलेला नाही. तर बेनामी संपत्ती प्रकरणी प्राप्तीकर विभागाने उपमुख्यमंत्री अजित पवार यांना क्लीनचिट दिलेली आहे. तरीसुद्धा अजित पवार यांची ईडी चौकशी मात्र सुरूच राहणार आहे, अशी माहिती सूत्रांनी दिली आहे. सिंचन घोटाळा आणि सहकारी बँक घोटाळा प्रकरणी ही चौकशी सुरू आहे. एकीकडे २ दिवसांपूर्वीच अजित पवार यांना क्लीनचिट देण्यात आलेली होती. मात्र आता ईडीची चौकशी सुरूच राहणार असल्याने अजित पवार यांचा त्रास अद्यापही संपलेला नाही.