बारामती विधानसभा मतदारसंघाचे प्रतिनिधित्व करायला लागल्यापासून मी जितकी विकास कामे केली तितकी कामे आगामी काळात कोणीच करू शकणार नाही हा माझा दावा आहे. अशा शब्दात अजित पवार यांनी आपल्या भावना बोलून दाखवल्या. ते आज बारामतीच्या दौऱ्यावर होते . अजित पवार म्हणाले, मी जेवढं काम केलं आहे तितका काम करणारा आमदार पुढील काळात मिळणार नाही हा माझा दावा आहे. तुम्ही आजपर्यंत बारामतीचे प्रतिनिधित्व केलेले अनेक आमदार सुरुवातीपासून म्हणजे 1952 पासून आजपर्यंत आमदार झालेल्या प्रत्येकाची कारकीर्द बघा कोणी किती काम केले, आणि तुम्ही मला 1991 मध्ये आमदार म्हणून निवडून दिले. माझ्या कालावधीत किती काम झाले, तुम्ही सर्वांनी निवडून दिले, माझ्या कालावधीत किती काम झाले हे तुम्ही सर्वांनी पाहिले आहे.